ஊருக்கே ice cream's kodutha hero

கோடை காலம் வந்தால் ஆங்காங்கு கட்சிக்காரர்களும், ஒருசில ஹீரோக்களின் ரசிகர் மன்றத்தினரும் தண்ணீர் பந்தல், மோர் பந்தல் அமைக்கின்றனர். நடிகர், நடிகைகள் தங்களது பிறந்த நாள் நிகழ்ச்சிகளை நண்பர்களுடன் ஸ்டார் ஓட்டலில் பார்ட்டி வைத்து கொண்டாடுகின்றனர். அர்ஜூன்ரெட்டி என்ற தெலுங்கு படம் மூலம் பிரபலமானவர் நடிகர் விஜய் தேவரகொண்டா. தற்போது தமிழில் ‘நோட்டா’ படம் மூலம் அறிமுகமாகிறார். இவர் தனது பிறந்தநாளை மக்களுடன் கொண்டாட முடிவு செய்தார். 

3 வேன்களை புக் செய்து அவற்றுக்கு வண்ணம் தீட்டி தனது படத்தை அதில் வரைந்ததுடன் பர்த்டே டிரக் என்று எழுதினார். வேன்கள் நிறைய  ஐஸ்கிரீம் நிரப்பிக்கொண்டு ஒவ்வொரு வேனையும் ஊர்முழுக்க சுற்றவைத்ததுடன் வழிபோக்கர்கள், டிராபிக் போலீஸ், பிளாட்பார கடை வியாபாரிகள், மாணவர்கள், தொழிலாளர்களுக்கு ஐஸ்கிரீம் வழங்க ஏற்பாடு செய்தார். 

அதை அனைவரும் வாங்கி ருசித்ததுடன், இப்படியொரு ஐடியா விஜய் தேவரகொண்டாவுக்கு வந்ததற்கு பாராட்டு தெரிவித்தனர். இதுபற்றி அவர் கூறும்போது,’கோடையில் சில நாட்கள் படப்பிடிப்பில் பங்கேற்றபோது வெயிலின் தாக்கம் என்னை இப்படி சிந்திக்க வைத்தது. 3 வேன் நிறைய ஐஸ்கிரீம் நிரப்பி அதை மக்களுக்கு தந்தால் என்ன என்று எண்ணியதன் விளைவுதான் இந்த ஏற்பாடு. ஊருக்கே நான் பர்த்டே பார்ட்டி தந்த திருப்தி ஏற்பட்டது’ என்றார் விஜய் தேவரகொண்டா.